Widget Master | Flutter

Online ishlab, yashaydigan joy ekan 😁 https://youtu.be/7O11LEGki7M?si=V0f--KsZA4ggTFOW

Nega Flutter release build Native ilovadan katta chiqadi? Native ilova Kotlin/Swift build vaqtida faqat platforma SDK'siga tayanadi, UI komponentlari, rendering, layout tizimi allaqachon OS'da bor, binary'ga faqat kod qo'shiladi. Flutter esa boshqacha strategiya bilan ishlaydi, platforma widget'lariga umuman tayanmaydi, o'zining rendering stack'ini har bir build'ga statik ravishda qo'shadi. Skia/Impeller bu to'liq software rendering pipeline, u OS'ning native UIView/View iyerarxiyasiga bog'liq emas, shuning uchun har bir platformada layout, hit-testing, compositing jarayonlarini o'zi bajaradi. Shu sabab minimal Flutter release binary 5-7MB'dan boshlanadi arch-specific slice hisobga olinmagan holda. @WidgetMaster

Dart:ffi nima uchun MethodChannel'dan ancha tezroq? Flutter'da native kod bilan ishlashda koʻpincha ikki yoʻldan foydalanamiz MethodChannel yoki dart:ffi. Lekin ular ichki tizimda butunlay boshqacha ishlaydi. MethodChannel bu koʻprik. U orqali qilingan har bir chaqiruv asinxron ravishda, maxsus oqim platform thread orqali oʻtadi, eng katta muammo ma'lumotni u tomonga oʻtkazishda avval baytlarga oʻgirish serialize, native tomonda esa yana ochish deserialize kerak boʻladi, bu har safar ortiqcha vaqt va resurs talab qiladi. dart:ffi bu oʻrtadagi barcha koʻpriklarni chetlab oʻtadi. C/C++ funksiyalarini toʻgʻridan-toʻgʻri va sinxron ravishda chaqiradi, xuddi native kod Flutter'ning ichida turgandek gap. Agar faqatgina telefondagi batareya darajasini bilish yoki GPS ma'lumotini olish kerak boʻlsa MethodChannel yetarli. Lekin ogʻir matematik hisob-kitoblar, rasmlarga ishlov berish yoki kriptografiya kabi tezlik juda muhim joylarda dart:ffi yaxshi. ffi ishlatganda xotira boshqaruvi toʻliq sizning boʻyningizda boʻladi. Dart'ning Garbage Collector'i native xotirani oʻzi tozalay olmaydi. @WidgetMaster

try/catch vs Either. try/catch (Imperativ boshqaruv oqimi). Dartning xatoliklarni ushlash bo'yicha standart mexanizmi. U xatoliklarni normal ishlash jarayonini to'xtatishi kerak bo'lgan "anomaliya" sifatida qabul qiladi. Kodni try blokiga o'raysiz. Agar biror narsa xato ketsa, Exception yoki Error ni uloqtirasiz (throw). Kod darhol ishlashdan to'xtaydi va boshqaruv zanjirdagi eng yaqin catch blokiga topshiriladi. Dartdagi exception-lar unchecked hisoblanadi, ya'ni kompilyator sizni ularni handle qilishga majbur qilmaydi. throw operatori bajarilganda, Dart runtime bir necha og'ir operatsiyalarni amalga oshiradi: • Xotirada (Heap) Exception/Error obyektini yaratadi. • Xato qayerdan kelib chiqqanini aniqlash uchun StackTrace obyektini yaratadi, bu protsessor uchun og'ir jarayon. Either (Deklarativ boshqaruv oqimi). Either patterni funksional dasturlashdan kirib kelgan. U ikki turdan biri bo'lishi mumkin bo'lgan qiymatni ifodalaydi: an'anaviy holatda: Left -> Error Right -> Success. Funksiya exception uloqtirish o'rniga, xatoni o'z ichiga olgan obyektni qaytaradi. Dart kompilyator esa ma'lumotni chiqarib olishdan oldin har ikkala ehtimollikni handle qilishga majbur qiladi. Asosiy farq bu chiziqli ishlash (Linear execution). Bu ikkala usulning eng katta farqi chiziqli ishlashni qanday boshqarishidadir. Chiziqli ishlash - bu kodning qatorma-qator, tartib bilan o'qilishi (xuddi zinalardan qadam-baqadam tushish kabi). try/catch chiziqli ishlashni uzadi: throw ishga tushganda, kompyuter odatiy qatorma-qator o'qishni tashlab yuboradi. U zinalardan yurish o'rniga "derazadan sakraydi" va boshqa joydagi catch blokini qidirib teleport bo'ladi. (GOTO kabi). Either chiziqli ishlashni saqlab qoladi: Xatolik yuz bersa ham, dastur vahimaga tushib boshqa joyga sakramaydi. Xatoni shunchaki qutiga soladi (Left obyekti) va odatiy return orqali o'zining yo'lida davom etaveradi. Manbalar: 1. Doc: Link 2. Medium: Link 3. Medium: Link #Flutter

Xatoni ancha vaqt qidirasiz. Kod to'g'ri. Logika to'g'ri. Keyin ma'lum bo'ladi — emulyatorda internet o'chiq ekan. Avval yengillik. Keyin xijolat. Bu tuyg'u tanish bo'lsa, hammasi joyida ketyapti. Chunki keyingi safar birinchi bo'lib internetni tekshirasiz. Undan keyingi safar yana boshqa narsani. Shunday qilib ro'yxat uzayadi. Tajriba shu ro'yxatning o'zi. Kitobdan emas, xijolatdan yig'iladi. @WidgetMaster