Post የአዳሪ ትምህርት ቤቶች ጉዳይ ፦

የአዳሪ ትምህርት ቤቶች ጉዳይ ፦ 1. የትምህርት ስርዓታችን ጉብዝናን መሸለም ልፋትንና ውጤትን ማክበር የጀመረ ይመስላል ። ከሰሞኑ ከ12ኛ ክፍል ተማሪዎች ውጤት ጋር ተያይዞ በአዳሪ ት/ቤቶች ላይ ብዙ አሉታዊ አስተያየቶችን አነበብሁ። አስተያየቶቹ ሲጨመቁ "ጎበዝ ተማሪ ሰብስበው አስገብተው ሁሉንም ተማሪ ፈተና አሳለፍን ብለው ይፎክራሉ "የሚል ነው ። እኔም እላለሁ የአዳሪ ት/ቤቶቹ ዓላማ የ12ኛ ክፍል ፈተናን አስፈትኖ ዩኒቨርስቲ ማስገባት አይደለም !! ት/ቤቶቹ የሻለ አቅም እና ልምድ ያላቸውን መምህራንን ፣ ጎበዝ የትምህርት ስራ አስተዳዳሪዎችን ፤ ጥሩ የቤተመፃህፍትና የቤተሙከራ ክፍሎችን ይዘው የተዋቀሩ ናቸው ። በዋናነት ልጆቹ ከሶሻል ሚዲያ ጫጫታ ተጠብቀው ፤ ቀልባቸውን ሰብስበው የሚማሩበት ነው። ከመደበኛ ትምህርት በተጨማሪ በኮዲንግና ኤአይ አይነት ስልጠናዎችን የሚያገኙበት ነው። እና ይሄ ሁሉ ኢንቨስትመንት መደበኛ ተማሪ ሊያሳካው የሚችለውን የ 50% ማለፊያ ውጤት እንዲያመጡ አይደለም ። ይልቅ ልጆቹ ለዓመታት ላደረጉት ትጋት እና ላመጡት ውጤት ሲስተሙ የሰጣቸው ሽልማትና እውቅና አድርገን ብንረዳው መልካም ነው ። ለ ልዩ ችሎታ እና ተሰጥኦ የሚደረግ ልዩ ጥበቃ እና እንክብካቤ ዓይነት ። 2. ዝቅተኛ የትምህርት ተሰጥኦ ያላቸውን ልጆች ወደ አዳሪ ት/ቤት ሳይሆን የልዩ ፍላጎት ዓይነት ስርዓት ፈጥረን ቴክኒክ እና ሙያ ላይ ብናበረታቸው መልካም ይመስለኛል። 3. የተፈተነ ሁሉ ዩኒቨርስቲ መግባት አለበት የሚል አቋም ልክ አይደለም ። ይልቅ የልጆቹ ውጤት እንደ ሀገር ለ ትምህርት ላለን ጠንጋ*ራ 😀 ዓይን ፤ በልባችን ለሰፈነው ንቀት እንደ መስታወት ነው ። ወላጅ ለልጁ ሀላፊነት ይውሰድ ። ልጅን ት/ቤት በመላክ ብቻ ተዓምር እንዲፈጠር መጠበቅ ሞኝነት ነው ። ቢያንስ ማንበብና መፃፍ መቻሉን ማረጋገጥ ግድ ይላል። ሀገር በቲክቶከር ጫጫታና ሁከት ሳይሆን በጥራት በተማሩ ዜጎቿ ልክ ታድራለች ። ሻሎም !